Ментално здравје
На професионалците кои се занимаваат со проучување на менталното здравје јасна им е тезата дека нема здравје без ментално здравје. Меѓутоа, кога ќе излеземе од тесниот круг на професионалци во оваа област, наидуваме на прилично недоразбирање за ваквиот став, па дури и тоа здравјето да се сведе само на физичко здравје. Менталното здравје е многу важно за целокупното здравје на една личност! Светската здравствена организација (СЗО) го дефинираше здравјето како „состојба на целосна физичка, ментална и социјална благосостојба, а не само отсуство на болест или изнемоштеност“. Значи, тука е модерниот интегративен пристап кон умот и телото како неразделно единство, вграден во специфично физичко и социјално опкружување, и се вели дека менталното здравје е состојба на благосостојба во која едно лице го реализира својот потенцијал, може да се справи со нормалниот животен стрес, може да работи продуктивно и плодно и е во состојба да придонесе за заедницата (СЗО; 2001).
Кои карактеристики укажуваат на квалитетот на менталното здравје?
Лицето кое има добро ментално здравје е задоволно, позитивно, способно да основа семејство и да биде среќно во него, прифаќа други луѓе, во состојба е да остварува и одржува пријателства, продуктивно е на работното место и добро се справува со животните непогоди и стресови. Менталното здравје е основа за благосостојба и ефикасно функционирање и на поединецот и на заедницата.
Техники за дишење и опуштање
Што можеме да сториме за себе за да го подобриме менталното здравје:
- Најдете време за себе,
- Вклучете се во умерена физичка активност,
- Запознајте се себеси,
- Изградете самодоверба,
- Препознајте го она што ви предизвикува стрес,
- Создајте и негувајте блиски односи со другите,
- Бидете продуктивни,
- Разбудете ја креативноста во себе.
Важно е да се обрне внимание на откривање на раните симптоми на ментални тешкотии кои често можат да се манифестираат преку физички нарушувања без јасна причина (палпитации, отежнато дишење, главоболки, болка во вратот и грбот). Во некои случаи, ова може да бидат телесни реакции на стрес, а понекогаш може да биде и маскирана депресија.
Одржувањето на менталното здравје е од суштинско значење и за поединецот и за околината. Истражувањата покажаа дека менталното здравје и менталната стабилност на мајката во првите три години од животот на детето можат да влијаат на здравјето и стабилноста на детето во текот на целиот негов живот.
Помогнете си себеси и на другите и водете грижа за вашето ментално здравје. Ако се чувствувате вознемирено и напнато и/или имате проблем да заспиете, земете Persen.